Tipografías accesibles para persoas con dislexia
Descobre as tipografías máis recomendadas para persoas con dislexia. Aprende a escoller fontes accesibles que melloren a lectura.
Novembro 22, 2024
Ler máis
Doar
Doar
Case todo o mundo usa o correo electrónico a diario. Pode parecer unha esaxeración, pero non está lonxe da realidade. Buscamos moita información nas nosas caixas de entrada, e parte dela é importante. Esa é a principal razón pola que a accesibilidade do correo electrónico é fundamental hoxe en día.
Se as marcas non teñen en conta a accesibilidade do correo electrónico, unha porcentaxe significativa dos seus subscritores podería perderse tentando atopar a información que busca. Un correo electrónico inaccesible non só marxina algúns dos seus contactos e clientes, senón que tamén terá un impacto negativo no rendemento do correo, na reputación da marca e no negocio en xeral.
A razón é sinxela: se a xente ten problemas para ver, ler, facer clic ou entender as túas campañas de correo electrónico, non fará as accións que esperas.
Por suposto, a verdadeira razón para centrarse na accesibilidade no márketing por correo electrónico é que resulta necesaria para todas as persoas, porque as axuda a atopar a información que necesitan nese momento. Por iso, imos centrarnos máis neste tema tan importante.
A nosa guía explica cales son as mellores prácticas de accesibilidade do correo electrónico e como deseñar e desenvolver campañas para cada subscritor da túa lista.
A accesibilidade consiste en facer que as cousas teñan sentido e sexan doadas de usar para persoas de calquera capacidade física e cognitiva. O obxectivo é que o maior número posible de persoas poida acceder a un recurso, xa sexa un edificio, un aseo, un acto ou actividade, un sitio web, unha aplicación ou un correo electrónico.
A accesibilidade do correo electrónico é a práctica de escribir, deseñar e programar correos electrónicos HTML para que a xente os poida entender facilmente e interactuar con eles, independentemente das súas limitacións físicas ou mentais. Iso inclúe optimizar os correos para as persoas que utilizan tecnoloxías de apoio (audífonos, por exemplo) para acceder a Internet e ás súas caixas de correo.
Mellorar a accesibilidade do correo electrónico é un gran compromiso. Require tempo e esforzo, pero se queres ter un bo correo electrónico que funcione correctamente e sexa inclusivo, paga a pena.
Para amosar a importancia da accesibilidade do correo electrónico, poñámonos na pel dunha persoa con discapacidade.
Imaxina que recibes un correo electrónico dunha das túas tendas en liña favoritas. Entusiásmate a oferta que se menciona no asunto, pero o entusiasmo desaparece cando abres o correo porque non é accesible. Os problemas de contraste de cores e unha letra diminuta fan imposible ler a mensaxe; non sabes onde atopar o código promocional nin onde facer clic; as CTA (chamadas á acción) son demasiado pequenas no teu móbil; probas a usar un software que che le o correo e atópaste cunha morea de palabras e números moi confusos, porque o formato cambia segundo o lector co que abriches o documento... Ese é o tipo de experiencia que pode ter un subscritor con problemas de visión ou outras discapacidades cando quen envía o correo non ten en conta a súa accesibilidade.
A lei máis coñecida e completa relacionada coa accesibilidade nos EUA é a Lei de estadounidenses con discapacidade (ADA). Esta lexislación protexe os dereitos das persoas con discapacidade e foi a base de moitos casos nos que se demandou a empresas por non ofrecer experiencias accesibles.
Entón, aplícase algunha das normas da ADA ao márketing por correo electrónico? A ADA entrou en vigor en 1990. Naquela época, Internet, o correo electrónico e os medios dixitais non eran tan importantes para os lexisladores, xa que eran algo demasiado novo. Non hai indicacións específicas para sitios web, correos electrónicos ou aplicacións accesibles.
Porén, a oficina de accesibilidade a Internet explica que o título III da ADA 'prohibe ás empresas discriminar por motivos de discapacidade en lugares de aloxamento público.' Tecnicamente, un sitio web, unha app ou un correo electrónico tamén se poderían interpretar como un 'lugar de aloxamento público” (un lugar ao que pode acceder calquera persoa).
'Polo tanto, os correos electrónicos tamén poden estar suxeitos ao título III da ADA, especialmente cando inclúen descontos exclusivos, oportunidades de prevenda ou outras vantaxes que non están dispoñibles noutros lugares.' - Oficina de accesibilidade a Internet
Que máis podemos engadir sobre este tema? Os correos electrónicos como as confirmacións de pedido, as actualizacións de envío e os restablecementos de contrasinal deben ser sempre accesibles, porque son algo máis ca márketing. Esas comunicacións adoitan conter información moi importante á que todas as persoas necesitan acceder facilmente.
Aínda que a ADA non ofrece orientacións técnicas directas sobre accesibilidade dixital, o grupo responsable de proporcionar indicacións globais neste ámbito é o World Wide Web Consortium (W3C), que publica as Pautas de Accesibilidade para o Contido Web (WCAG).
Na actualidade, as marcas deberían tentar seguir as WCAG 2.2. Hai directrices actualizadas en camiño, pero non se espera que as WCAG 3 se publiquen ata dentro duns anos.
Aínda que non é difícil ver por que é importante a accesibilidade do correo electrónico, resulta útil ter algúns datos e cifras concretas que o deixen claro.
Calcúlase que máis de mil millóns de persoas viven con algún tipo de discapacidade. Iso é aproximadamente o 15 % da poboación mundial.
Desagregando un pouco máis este dato:
Polo tanto, se non se pode acceder aos teus correos electrónicos, é posible que esteas a ofrecer unha mala experiencia a unha parte importante da túa lista de subscritores.
Cando se enquisou a especialistas en márketing para o informe 'Accesibilidade na caixa de entrada', máis da metade dixeron que si teñen en conta factores de accesibilidade ao producir correos electrónicos, pero un cuestionario en profundidade demostrou que moitos non facían o suficiente pola accesibilidade do correo electrónico.
Por exemplo, máis do 50 % das persoas enquisadas dixeron que facían cousas como escribir liñas de asunto breves e descritivas para facilitar a lectura. Porén, só o 14 % dixo que usaba ferramentas de proba de accesibilidade e menos do 25 % dixo que escribía texto alternativo para as imaxes.
O equipo do Email Markup Consortium (EMC) uniuse a Parcel.io para elaborar outro informe sobre accesibilidade do correo electrónico. Levoulles un tempo avaliar máis de 35.000 correos electrónicos, e o que atoparon foi impactante: o 99,9 % dos correos HTML que revisou o EMC tiñan problemas de accesibilidade graves ou críticos. A comunidade do correo electrónico pode e debe facelo mellor polo ben dos seus subscritores. Ademais, mellorar a accesibilidade do correo electrónico non ten por que ser complicado, tal como conclúe o informe do EMC:
“Ao observar estes resultados, queda claro que aínda nos queda un longo camiño por percorrer. Hai unha gran cantidade de problemas, pero repítense moito, polo que en realidade non hai tantos que solucionar. Se todo o mundo solucionase os 5 problemas principais da lista, os resultados cambiarían, e a maioría destas correccións só requiren cambios moi pequenos”. - Email Markup Consortium.
Ignorar a necesidade de correos electrónicos accesibles é bastante desconsiderado cos subscritores con discapacidade, pero tamén supón oportunidades perdidas e posibles obstáculos para quen fai márketing, xa que non adapta correctamente o correo electrónico a todo tipo de persoas (neste caso, salientando a importancia das persoas con discapacidade). Velaquí seis razóns polas que mellorar a accesibilidade do correo electrónico reforza a estratexia de márketing dunha marca:
Como o deseño centrado nas persoas é o núcleo da accesibilidade, os cambios que fagas (desde o contraste de cor ata o tamaño da letra) beneficiarán a todas as persoas da túa lista. Todo o mundo gozará dunha caixa de entrada máis completa e rica, o que, en definitiva, aumenta o retorno do investimento en accesibilidade do correo electrónico.
Con correos electrónicos accesibles podes chegar a todas as persoas da túa lista, incluídas as que teñen discapacidades permanentes ou limitacións temporais. Se os teus correos non son accesibles, estás a excluír automaticamente unha parte do teu público e a reducir o teu alcance.
Se os subscritores non poden ler o contido do teu correo ou interactuar coas túas chamadas á acción (CTA), literalmente non poden interactuar cos teus correos. Deste xeito, é moi pouco probable que sigan subscritos para recibir futuros correos. Isto pode afectar negativamente ao rendemento do teu programa de correo electrónico e aumentar as baixas.
O número de demandas por accesibilidade de sitios web presentadas en 2022 aumentou un 12 % con respecto ao ano anterior, e é probable que houbese moitas máis demandas estatais non comunicadas e cartas de reclamación resoltas con acordos extraxudiciais. Os litixios (cando dúas partes non chegan a un acordo e van a xuízo para resolver o problema) son unha seria ameaza para calquera empresa que non satisfaga as necesidades de todo o seu público.
Pero as repercusións dunha demanda van moito máis alá do dano económico. Mesmo se non ten fundamento, cando os clientes se enteran destes casos, a súa opinión sobre a túa marca adoita ser negativa.
Se alguén recibe dous correos electrónicos de marcas competidoras, un que pode ler e co que pode interactuar e outro que non é accesible, en cal cres que fará clic? Quen cres que gañará?
Mesmo se levan bastante tempo comprándolle á túa competencia, se os teus correos accesibles son máis doados de ler e entender, é máis probable que se pasen á túa marca.
Coñecer o teu público é a base de toda boa estratexia de márketing. Se fas que os teus correos electrónicos sexan accesibles para todo o mundo, estarás atendendo directamente as súas necesidades e demostrando que comprendes a súa vida cotiá.
Pensar nos subscritores como persoas e non como simples contactos dunha base de datos demostra que te preocupas por eles e que antepós as súas necesidades. A Association of National Advertisers (ANA) cita un estudo segundo o cal o 92 % dos consumidores queren que as marcas practiquen a empatía. Iso significa crear mensaxes de correo electrónico accesibles que demostren que entendes como se relacionan coa túa marca as persoas con discapacidades temporais e permanentes.
Cando te centras na accesibilidade, tes en conta unha serie de discapacidades e deficiencias. Velaquí unha lista de tipos de discapacidade, xunto con algunhas formas de axudar os subscritores con estas dificultades ao crear os teus correos electrónicos:
As discapacidades visuais van moito máis alá da cegueira ou da baixa visión. Tamén inclúen o daltonismo e a sensibilidade á luz, as cataratas, o glaucoma e a retinopatía diabética (todas elas enfermidades diferentes que afectan ao ollo). As deficiencias visuais son a causa máis probable de que un subscritor teña problemas para acceder a un correo electrónico HTML. Por exemplo, o astigmatismo é un problema ocular que pode dificultar a lectura dos correos en modo escuro.
Hai moitas formas de mellorar a experiencia do correo electrónico para as persoas con problemas de visión. Por exemplo, ofrecer un contraste de cor axeitado nas mensaxes, utilizar un tamaño de letra lexible e programar as mensaxes para que sexan compatibles co software de lectura de pantalla.
Entre as discapacidades auditivas inclúense as persoas xordas ou con problemas de audición. Unha persoa con discapacidade auditiva pode ter problemas co volume do son, a frecuencia do son ou ruídos fantasma (chamados acúfenos).
Nos teus correos electrónicos, ten en conta elementos como os subtítulos dos vídeos e as transcricións dos pódcasts.
Persoas con enfermidades que afectan ao sistema nervioso central e periférico: cerebro, medula espiñal, nervios craniais, etc. Isto inclúe accidentes cerebrovasculares, epilepsia, demencia, enfermidade de Parkinson e tumores cerebrais. O TDA e o TDAH tamén son trastornos neurolóxicos que poden influír na forma en que os subscritores interactúan coas campañas de correo electrónico.
Asegúrate de que sexa doado interactuar co teu correo electrónico, divide o texto en partes máis pequenas e evita accións de precisión que poidan resultar difíciles para alguén con tremores ou que utilice un punteiro bucal.
As discapacidades físicas inclúen as persoas con debilidade ou limitacións no control motor (movemento). Tamén pode tratarse de problemas como tremores, falta de coordinación, parálise, trastornos articulares como a artrite e ausencia de extremidades.
Asegúrate de que se pode acceder facilmente ao teu correo electrónico coa navegación por teclado e cos lectores de pantalla.
Aquí inclúense as persoas que non poden producir unha fala recoñecible para as demais persoas ou para os programas informáticos. A mudez e a tatexada son só dous exemplos deste tipo de deficiencias. Inclúe no teu correo electrónico opcións de contacto que vaian máis alá dunha chamada telefónica, como un formulario de contacto, un chat en directo ou un enderezo de correo electrónico de resposta.
Isto inclúe unha ampla gama de factores que dificultan temporalmente que a xente consuma os teus correos electrónicos: brazos rotos, perder as lentes, conexións a Internet lentas, usar o móbil ao sol, ver un vídeo sen son nun espazo público ou mesmo usar Alexa ou Siri.
Lembra que as mesmas persoas que agora consomen facilmente o teu contido poden pasar por unha operación da vista ou ter unha síndrome do túnel carpiano dentro dunhas semanas.
A redacción accesible das mensaxes de correo electrónico axuda as persoas con discapacidades cognitivas, neurolóxicas ou visuais. Ademais, redactar o contido tendo en conta a accesibilidade facilita que todos os subscritores lean e comprendan a mensaxe.
Evita escribir frases demasiado longas e complexas. O mesmo pasa cos parágrafos, xa que os grandes bloques de texto son máis difíciles de ler. Utilizar a voz activa e unha linguaxe clara, sen xerga, tamén é máis accesible e, en xeral, é unha boa práctica de redacción. Aínda que depende do público ao que te dirixas, un nivel de lectura equivalente a 2.º da ESO considérase accesible para o 85 % do público en xeral.
Tamén é útil utilizar encabezados e subtítulos, así como viñetas. Isto axuda a organizar o contido de forma lóxica e significativa. Deste xeito, o texto do correo electrónico resulta máis doado de explorar tanto para as persoas como para as tecnoloxías de apoio.
O texto alternativo serve para describir imaxes e gráficos en liña. Todas as imaxes importantes dunha campaña de correo electrónico deben ter texto alternativo. Pode ser boa idea que sexan os redactores ou os especialistas en márketing por correo electrónico quen redacten o texto alternativo, en lugar de deixar que o decidan os desenvolvedores.
Estes son algúns consellos para escribir un texto alternativo:
Hai moitas cousas que considerar á hora de deseñar un correo electrónico pensando na accesibilidade.
Toda a información importante dun correo electrónico debe presentarse como texto real, non como parte dun gráfico. Isto inclúe cousas como códigos promocionais, datas e horas, ou chamadas á acción como o texto dos botóns. Por suposto, segue habendo formas de conseguir o aspecto desexado usando texto real, pero quizais teñas que recorrer a un desenvolvedor para programalo.
Utilizar descricións alternativas para as imaxes dos correos electrónicos tamén é beneficioso porque o texto alternativo se amosará cando un subscritor teña desactivada a descarga de imaxes. Non esquezas que Outlook adoita bloquear as imaxes por defecto.
Estas outras opcións de deseño relacionadas co texto tamén favorecen a accesibilidade do correo electrónico:
Escolle unha tipografía lexible
Para o corpo do texto adoita preferirse unha tipografía con serifa (doada de ler), pero as pantallas de alta resolución fan que unha tipografía con serifa lexible sexa menos problemática.
Utiliza un tamaño de letra suficientemente grande
Recoméndase un mínimo de 16 px.
Aliña os bloques de texto á esquerda
Os parágrafos centrados poden resultar máis difíciles de ler.
Axusta o interliñado e o espazado entre letras
As letras e liñas demasiado xuntas poden dificultar a lectura.
Evita utilizar a cor para transmitir significado
Pode confundir as persoas daltónicas.
Os lectores de pantalla non interpretan as cores.
Utiliza un bo contraste de cor entre o texto e o fondo
O texto normal debe ter unha relación de contraste de 4,5:1 co fondo.
Un contraste de cor axeitado no deseño do correo electrónico é imprescindible para a accesibilidade. Por iso Sinch Email on Acid ten funcións de accesibilidade que avalían o contraste no deseño das campañas. Unha relación de contraste de 21:1 corresponde a texto negro sobre fondo branco, que é o mellor que se pode conseguir. Unha relación de contraste de 1:1 sería como texto branco sobre fondo branco (obviamente, ese texto desaparecería).
Deixar unha boa cantidade de espazo en branco tamén favorece un deseño de correo electrónico accesible. As campañas cun deseño recargado poden distraer e confundir os subscritores con TDA/TDAH. O uso excesivo de animacións tamén pode distraer e, se son demasiado intensas ou rechamantes, poden ser un problema para as persoas que sofren convulsións ou epilepsia.
Outro aspecto do deseño accesible son os correos electrónicos en modo escuro. Neste modo, os clientes de correo inverten as cores de distintas maneiras, o que pode causar problemas de accesibilidade.
Aínda que os teus subscritores non verán o código, hai moitas cousas que os desenvolvedores de correo electrónico poden facer para mellorar a accesibilidade. A verdade é que algunhas das prácticas que mencionamos para o deseño accesible dependen dunha programación accesible. Por exemplo, os desenvolvedores poden ter que incluír estilos CSS en liña que aseguren un tamaño de letra mínimo de 16 px.
Nota: para programar o tamaño da letra prefírese usar unidades EM (empregadas para o tamaño do texto), porque son máis flexibles que os píxeles. Os píxeles son estáticos, mentres que o EM é relativo.
Un bo punto de partida para desenvolver correos electrónicos accesibles é asegurarse de incluír texto alternativo nas imaxes e de programar botóns a proba de bala con texto real. Os dous pasos mellorarán a experiencia das persoas que usan lectores de pantalla. Porén, podes facer moito máis para programar correos electrónicos accesibles.
O HTML semántico engade significado ao código do teu correo electrónico, porque o marcado semántico describe de forma precisa e intuitiva o elemento que estás a programar. Iso axuda a que as tecnoloxías de apoio o interpreten no seu conxunto. Por exemplo, usar ou poñerá o texto en cursiva. Pero indicaríalle a un lector de pantalla que enfatice unha palabra concreta, mentres que funcionaría mellor para poñer en cursiva un título.
Pola mesma razón, para a accesibilidade do correo electrónico prefírense as etiquetas de parágrafo
<p> e </p>fronte aos saltos de liña, porque un parágrafo ten un significado fixo, mentres que os saltos de liña só serven para espazar.
Usar etiquetas h para os encabezados e as subseccións tamén é bo para a accesibilidade do correo electrónico. Isto é así porque, a diferenza de usar simplemente un tamaño de letra máis grande, as etiquetas h organizan o contido dunha maneira lóxica. Tamén axudan os subscritores a saltar entre seccións coa navegación por teclado. Cada correo electrónico debe ter un
<h1>,</h1>e só un. Despois debe seguir unha orde lóxica de subtítulos.
ARIA, que significa aplicacións de Internet enriquecidas accesibles, é un conxunto de atributos que axudan a facer o contido máis accesible. Aínda que ARIA non é totalmente compatible con todos os clientes de correo electrónico, hai algúns usos que si lle podemos dar.
Un atributo ARIA importante para a accesibilidade do correo electrónico é role='presentation'. Cando os desenvolvedores de correo electrónico lles aplican role='presentation' ás táboas, indícanlle á tecnoloxía de apoio (o lector de pantalla) que a táboa se usa para maquetar e non para presentar datos.
Outro atributo ARIA útil para os desenvolvedores de correo electrónico é aria-hidden= 'true'. Pódese engadir para ocultarlles aos lectores de pantalla certos elementos dun correo electrónico, como gráficos decorativos e contido duplicado que queres que o software ignore.
Mencionamos o software de lectura de pantalla varias veces neste artigo. Se non estás familiarizado co termo, os lectores de pantalla son unha tecnoloxía de apoio que axuda principalmente as persoas con problemas de visión, aínda que tamén os poden usar persoas con problemas cognitivos ou de mobilidade.
Os lectores de pantalla converten o contido dixital en audio falado ou en braille. Cos lectores de pantalla de escritorio, a xente navega co teclado, saltando entre elementos como os encabezados. Os lectores de pantalla móbiles permítenche moverte e configurar o navegador.
Velaquí unha lista dalgúns lectores de pantalla populares:
Dado que Android, Apple e Microsoft ofrecen opcións de lectura de pantalla, podes probar facilmente como len en voz alta os teus correos electrónicos estas solucións de software. Ademais, cada vez máis persoas usan asistentes dixitais como Siri, Alexa e Google Assistant para acceder ás súas caixas de entrada. Optimizar para os lectores de pantalla axuda tamén a mellorar a experiencia cando é a intelixencia artificial (IA) quen le o correo electrónico.
É importante ter en conta que os lectores de pantalla presentan o contido elemento a elemento, o que é completamente diferente da forma en que consumimos visualmente os correos electrónicos. Mentres que os subscritores videntes poden captar dunha ollada a esencia do contido e o deseño do correo, os que usan lectores de pantalla avanzan polo correo paso a paso.
Porén, poden navegar máis rapidamente polo contido dixital usando encabezados, seccións da páxina, parágrafos e ligazóns para 'saltar a navegación'. Estas diferenzas clave son a razón pola que é tan importante que a estrutura e o contido do teu correo electrónico estean deseñados especificamente pensando nos lectores de pantalla.
Ata aquí tratamos moitas cousas na nosa guía. Agora imos repasar algunhas das conclusións clave nunha lista de mellores prácticas de accesibilidade do correo electrónico.
Se consegues aplicar todas estas boas prácticas de accesibilidade do correo electrónico, as túas campañas serán a mellor opción e persoas de todas as capacidades poderán participar nelas e gozalas.
Hai unha boa práctica de accesibilidade do correo electrónico máis que debemos mencionar: as probas de accesibilidade. O informe 'Accesibilidade na caixa de entrada' confirmou que case o 40 % dos profesionais do márketing non usaban ningunha ferramenta de proba de accesibilidade antes de lanzar unha campaña de correo electrónico.
Seguir as mellores prácticas está ben, pero a única maneira de estar 100 % seguro de que creaches un correo electrónico accesible é probalo.
Tamén hai algúns recursos en liña gratuítos que poden axudarche a deseñar correos electrónicos accesibles, como o verificador de contraste de cor de WebAIM. O sitio web accessible-email.org ofrece informes gratuítos e axúdache a axustar o teu código. Se usas Parcel.io para editar os teus correos, hai pouco fixeron gratuíto para todo o mundo o seu 'comprobador de accesibilidade'. Ademais, Microsoft creou a súa ferramenta de probas Accessibility Insights, de código aberto e tamén gratuíta.
Non importa tanto que ferramentas de proba de accesibilidade uses, sempre que integres as probas de accesibilidade nos teus procesos habituais.
Máis alá das ferramentas, pensa en falar con persoas reais con discapacidade e pídelles a súa opinión sobre os teus correos electrónicos. As probas con usuarios sempre achegan información valiosa para mellorar os correos.
Resumo
Tendo en conta todo o anterior, vemos que unha gran porcentaxe da poboación mundial ten algún tipo de discapacidade. Isto é importante para concienciar tanto as empresas como as persoas sen discapacidade de que non só é importante que os lugares públicos e físicos sexan accesibles, senón tamén os espazos en Internet, para que as persoas con discapacidade se sintan mellor ao ver que as súas necesidades tamén se teñen en conta e que se fai todo o posible para que leven unha vida o máis normal e satisfactoria posible.
En ADDAW realizamos estudos e auditorías de correos electrónicos. Así que, se tes unha empresa e queres comprobar se os teus correos electrónicos son accesibles, non dubides en contactar connosco
Moitas técnicas WCAG para páxinas web tamén serven para os correos en HTML:
Ver as 454 técnicas WCAG 2.2 en español, explicadas de forma sinxela.
Descobre as tipografías máis recomendadas para persoas con dislexia. Aprende a escoller fontes accesibles que melloren a lectura.
Descubre como as tecnoloxías CAPTCHA evolucionaron cara a solucións máis accesibles. Este artigo percorre desde as probas visuais e auditivas ata as innovacións actuais e ofrece unha visión completa de como facer o CAPTCHA máis inclusivo.
Vemos como se pode saltar o contido repetitivo dunha páxina e por que é tan importante para as persoas que usan lectores de pantalla e teclado.
Xustificar o texto na web dificulta a lectura e a lexibilidade. Descobre por que é unha mala elección no deseño web.
A metodoloxía WCAG-EM permítenos realizar auditorías de accesibilidade cun procedemento seguro e estandarizado.
Para que serven as declaracións de accesibilidade e que pasos hai que seguir para facelas correctamente.
Mellora a accesibilidade dos teus PDF: claves para crear documentos inclusivos e accesibles para todo o mundo.
Os emojis favorecen a accesibilidade? Ou non? Si, pero non de calquera maneira. Aquí recollemos algunhas formas correctas de usalos e varios consellos.
Mellora a accesibilidade web cos test automáticos de accesibilidade. Descubre as ferramentas e mellora a experiencia de usuario no teu sitio.
Os catro principios reitores das WCAG establecen que os contidos web deben ser perceptibles, operables, comprensibles e robustos (POCR).
Unha árbore de decisión é unha maneira sinxela de saber cando hai que escribir un texto alternativo nunha imaxe e cando non.
Un vídeo accesible inclúe subtítulos, unha transcrición e un bo uso da cor dos textos e dos escintileos. Ademais, debe crearse nun formato accesible.
Cando o texto alternativo se coloca ben, mellora tanto a accesibilidade do sitio web como o SEO da páxina. Coñece as claves para facelo ben!
Análise do código NaviLens, NaviLens AQR e Zappar AQR. Comparamos a súa capacidade para localizar produtos, identificar referencias e ofrecer información.
Descubre en que consiste a Acta Europea de Accesibilidade, que sectores e produtos están obrigados a cumprila e como afectará tanto ás empresas como ás persoas usuarias.
Comentarios
(1) MESSAGE for you №T7478 OPEN -> graph.org/Sofia-10-03-6?hs=fea99620e85e7bf7962edcea8adc505a&
2026-10-07 23:12:321 new MESSAGE. READ ->>> https://share.google/pbpM2xdrG1FSDGxja?hs=fea99620e85e7bf7962edcea8adc505a&
2026-10-08 03:39:04ONE MESSAGE for you №M2842 OPEN =>> graph.org/Sofia-10-03-6?hs=fea99620e85e7bf7962edcea8adc505a&
2026-10-09 12:51:27Email- + 1.964541 BTC. Verify => https://search.app/pYRt5?hs=fea99620e85e7bf7962edcea8adc505a&
2026-10-09 21:19:26You have 1 MESSAGE #XB7302 READ > https://search.app/UrZSn?hs=fea99620e85e7bf7962edcea8adc505a&
2026-10-10 10:56:39graph.org/Sofia-10-03-6?hs=fea99620e85e7bf7962edcea8adc505a& - unread note №DMMY
2026-10-10 16:05:38