Addaw, joan hasierara Egin dohaintza
wcag2.0

Irizpidea 1.2.5 - Audio-deskribapena (grabatua) (AA)

ADDAWk euskarara egindako itzulpen ez-ofiziala da hau. Akatsak izan ditzake: dokumentu ofizial eta arauemaile bakarra W3Cren Web Content Accessibility Guidelines (WCAG) 2.2 jarraibideen ingelesezko jatorrizkoa da. Gaztelaniaz ere irakur dezakezu.

Multimedia sinkronizatuko edukian dagoen bideo-eduki grabatu guztirako audio-deskribapena ematen da.

Betetze-irizpide honen helburua

Betetze-irizpide honen asmoa da itsuei edo ikusmen-zailtasunak dituzten pertsonei multimedia-aurkezpen sinkronizatu bateko informazio bisualerako sarbidea ematea. Audio-deskribapena aurkezpenaren audioari gehitzen zaio, eta entzumenez eskuragarri ez dagoen bideoari buruzko informazio guztia jasotzen du. Elkarrizketaren etenaldietan, audio-deskribapenak pantailan agertzen diren eta audio-pista nagusian deskribatzen edo esaten ez diren ekintza, pertsonaia, eszena-aldaketa eta testu garrantzitsu guztiei buruzko informazioa ematen du.

1. oharra: 1.2.3, 1.2.5 eta 1.2.7 irizpideetan, bideo-pistako informazio guztia audio-pistan ematen bada jada, ez da audio-deskribapenik behar.

2. oharra: Neurri batean, 1.2.3, 1.2.5 eta 1.2.8 irizpideak elkarren gainean daude. Helburua da egileari aukeraren bat ematea gutxieneko betetze-mailan, eta betekizun gehigarriak goiko mailetan ezartzea. 1.2.3 betetze-irizpidearen A mailan, egileek audio-deskribapen bat edo testu-alternatiba oso bat emateko aukera dute. AA maila bete nahi badute, 1.2.5 betetze-irizpidean egileek audio-deskribapen bat eman behar dute (betekizun hori beteta dago jada 1.2.3 irizpiderako alternatiba hori aukeratu bazen; bestela, betekizun gehigarri bat da). 1.2.8 betetze-irizpidearen AAA mailan, testu-deskribapen hedatu bat eman behar da. Hori betekizun gehigarri bat da 1.2.3 eta 1.2.5 audio-deskribapen bat soilik eskainiz betetzen badira. Hala ere, 1.2.3 testu-deskribapen bat emanez betetzen bada, eta 1.2.5 audio-deskribapen batekin, orduan 1.2.8 irizpideak ez du betekizun berririk gehitzen.

1.2.5 betetze-irizpidearen onura zehatzak:

  • Itsuek edo ikusmen urria dutenek, baita gertatzen dena bisualki interpretatzeko zailtasunak dituzten muga kognitiboak dituzten pertsonek ere, informazio bisualaren audio-deskribapenaren onura jasotzen dute.

1.2.5 betetze-irizpidearen adibideak

Bideo azalpena

Gaztelaniazko bideoa, euskarazko azpitituluekin. Ikusi YouTuben (WCAG 1.2.5 Audio-deskribapena (grabatua))

Irizpide hau betetzeko teknikak

W3Ck betetze-irizpide honi lotzen dizkion teknika nahikoak, teknika gomendatuak eta ohiko akatsak, ADDAWk itzuliak. Teknika nahiko bat bakarrik nahikoa da adierazitako egoeran irizpidea betetzeko; gomendatuek gutxienekoa baino harago egiten dute; akatsek irizpidea betetzen ez duten egoerak deskribatzen dituzte.

Teknika nahikoak

Teknika gomendatuak

Ohiko akatsak

Ikusi WCAG teknika guztiak euskaraz

Ikusi erreferentzia Teknikak eta hutsegiteak (W3C, ingelesez)