ADDAWk euskarara egindako itzulpen ez-ofiziala da hau. Akatsak izan ditzake: dokumentu ofizial eta arauemaile bakarra W3Cren Web Content Accessibility Guidelines (WCAG) 2.2 jarraibideen ingelesezko jatorrizkoa da. Gaztelaniaz ere irakur dezakezu.
Lehen planoko audioaren etenaldiak nahikoak ez direnean audio-deskribapenak bideoaren esanahia transmititu ahal izateko, audio-deskribapen hedatua ematen da multimedia sinkronizatuko edukian dagoen bideo-eduki grabatu guztirako.
Betetze-irizpide honen asmoa da itsuei edo ikusmen-zailtasunak dituzten pertsonei multimedia-eduki sinkronizaturako sarbide osoagoa ematea, audio-deskribapen estandarrek ematen dutena baino. Hori aurkezpena geldituz eta audio-deskribapen gehigarri bat erantsiz lortzen da. Ondoren, aurkezpenak aurrera jarraitzen du.
Deskribapen gehigarria behar ez dutenentzat ikustea oztopatzen duenez, funtzio hori aktibatzeko eta desaktibatzeko aukera ematen duten teknikak eskaini ohi dira. Bestela, deskribapen gehigarria duten eta ez duten bertsioak eman daitezke.
Itsuek, pantaila ikus ezin duten ikusmen urriko pertsonek edo gertatzen ari dena bisualki interpretatzeko zailtasuna duten muga kognitiboak dituztenek informazio bisualaren audio-deskribapena erabili ohi dute. Hala ere, elkarrizketa asko dagoenean, audio-deskribapena ez da nahikoa. Audio-deskribapen hedatu batek bideoa ulertzeko behar duten informazio gehigarria eman diezaieke.
1. adibidea. Eskola baten bideoa. Fisikako irakasle bat unibertsitatean eskola ematen ari da. Hitz egiten duen bitartean, eskuz zirriborroak egiten ditu arbelean. Arazoa eztabaidatzen amaitu bezain laster, marrazkia ezabatu eta beste bat egiten du, azalpenak ematen eta beste eskuarekin keinuak egiten jarraitzen duen bitartean. Bideoa gai bakoitzaren artean eteten da irakaslearen marrazkien eta keinuen audio-deskribapen hedatua emateko; ondoren, bideoak aurrera jarraitzen du.
Gaztelaniazko bideoa, euskarazko azpitituluekin. Ikusi YouTuben (WCAG 1.2.7 Audio-deskribapen hedatua (grabatua))
W3Ck betetze-irizpide honi lotzen dizkion teknika nahikoak, teknika gomendatuak eta ohiko akatsak, ADDAWk itzuliak. Teknika nahiko bat bakarrik nahikoa da adierazitako egoeran irizpidea betetzeko; gomendatuek gutxienekoa baino harago egiten dute; akatsek irizpidea betetzen ez duten egoerak deskribatzen dituzte.
G8: Bideoaren bertsio bat eskaintzea audio-deskribapen hedatuarekin, honako teknika hauetako bat erabiliz:
Ikusi erreferentzia Teknikak eta hutsegiteak (W3C, ingelesez)