Addaw, joan hasierara Egin dohaintza
wcag2.0

Irizpidea 3.3.1 - Erroreak identifikatzea (A)

ADDAWk euskarara egindako itzulpen ez-ofiziala da hau. Akatsak izan ditzake: dokumentu ofizial eta arauemaile bakarra W3Cren Web Content Accessibility Guidelines (WCAG) 2.2 jarraibideen ingelesezko jatorrizkoa da. Gaztelaniaz ere irakur dezakezu.

Datuak sartzean errore bat automatikoki detektatzen bada, errorea duen elementua identifikatzen da eta errorea testu bidez deskribatzen zaio erabiltzaileari.

Betetze-irizpide honen helburua

Betetze-irizpide honen xedea da ziurtatzea erabiltzaileei jakinarazten zaiela errore bat aurkitu dela eta errorea zein den zehaztu dezaketela. Erabiltzaileei errorearen berri ematen dien mezuak ahalik eta zehatzena izan behar du. Formulario bat behar bezala bete ez denean, formularioa berriro erakustea eta erroreak dituzten eremuak adieraztea soilik ez da nahikoa erabiltzaile batzuek erroreak aurkitu direla hauteman dezaten. Pantaila-irakurgailuak erabiltzen dituzten pertsonek, adibidez, ez dute jakingo non egin duten huts adierazle horietako bat aurkitu arte. Baliteke formularioa zuzenean baztertzea errore-adierazlea aurkitu aurretik, orriak behar bezala funtzionatzen ez duela pentsatuta.

Errore baten identifikazioa eta deskribapena software bidezko informazioarekin konbina daiteke, laguntza-teknologiek eta erabiltzaile-aplikazioek erroreak identifikatzeko eta erabiltzaileei dagokien informazioa emateko erabil dezaketena. Adibidez, teknologia batzuek zehaztu dezakete erabiltzaileak sartutako datuek ez dutela tarte jakin bat gainditu behar edo eremu jakin bat derrigorrezkoa dela. Gaur egun, teknologia gutxik eman dezakete informazio mota hori, baina betetze-irizpide honek ez ditu ez eskatzen ez baztertzen.

Guztiz onargarria da errorea testu-deskribapenaz gain beste bitarteko batzuen bidez adieraztea, hala nola irudien, koloreen eta abarren bidez.

Ikus, halaber, 3.3.3 Erroreak zuzentzeko iradokizunak betetze-irizpidea ulertzea.

3.3.1 betetze-irizpidearen onura zehatzak:

  • Datuak sartzean egindako erroreei buruzko informazioa testu moduan emateak erabiltzaile itsuei edo daltonikoei laguntzen die errore bat egin dutela hautematen.

  • Betetze-irizpide honek lagun diezaieke ikonoen eta beste arrasto bisual batzuen esanahia ulertzeko zailtasunak dituzten urritasun kognitiboak, hizkuntza-urritasunak edo ikasteko urritasunak dituzten pertsonei.

3.3.1 betetze-irizpidearen adibideak

Bideo azalpena

Gaztelaniazko bideoa, euskarazko azpitituluekin. Ikusi YouTuben (WCAG 3.3.1 Erroreak identifikatzea)

Irizpide hau betetzeko teknikak

W3Ck betetze-irizpide honi lotzen dizkion teknika nahikoak, teknika gomendatuak eta ohiko akatsak, ADDAWk itzuliak. Teknika nahiko bat bakarrik nahikoa da adierazitako egoeran irizpidea betetzeko; gomendatuek gutxienekoa baino harago egiten dute; akatsek irizpidea betetzen ez duten egoerak deskribatzen dituzte.

Teknika nahikoak

A egoera: formulario batek erabiltzailearen informazioa nahitaezkoa den eremuak baditu.

B egoera: erabiltzaileak emandako informazioak datu-formatu zehatz bat edo balio jakin batzuk izan behar baditu.

Teknika gomendatuak

Ikusi WCAG teknika guztiak euskaraz

Ikusi erreferentzia Teknikak eta hutsegiteak (W3C, ingelesez)