Addaw, joan hasierara Egin dohaintza
wcag2.0

Irizpidea 2.4.5 - Bide anitz (AA)

ADDAWk euskarara egindako itzulpen ez-ofiziala da hau. Akatsak izan ditzake: dokumentu ofizial eta arauemaile bakarra W3Cren Web Content Accessibility Guidelines (WCAG) 2.2 jarraibideen ingelesezko jatorrizkoa da. Gaztelaniaz ere irakur dezakezu.

Web-orri multzo baten barruan web-orri bat aurkitzeko bide bat baino gehiago ematen da, salbu eta orria prozesu baten emaitza edo tarteko urrats bat denean.

Betetze-irizpide honen asmoa da erabiltzaileek edukia beren beharretara hobekien egokitzen den moduan aurkitzeko aukera izatea. Erabiltzaile bakoitzak teknika bat beste bat baino errazagoa edo ulergarriagoa irudi dakioke.

Webgune txikiek ere orientatzeko moduren bat eskaini behar liokete erabiltzaileari. Hiru edo lau orriko webgune batean, orri guztiak orri nagusitik estekatuta badaude, nahikoa izan daiteke orri nagusi horretatik eta harako estekak ematea; esteka horiek webgune-mapa gisa ere balio dezakete.

  • Webguneetan hainbat modutan nabigatzeko aukera eskaintzeak informazioa azkarrago aurkitzen lagun diezaieke pertsonei. Ikusmen-zailtasunak dituzten erabiltzaileei errazagoa irudi dakieke bilaketa baten bidez nabigatzea, nabigazio-barra luze batean zehar handigailu edo pantaila-irakurgailu batekin mugitzea baino. Zailtasun kognitiboak dituen pertsona batek nahiago izan dezake webgunearen ikuspegi orokorra eskaintzen duen aurkibide bat edo webgune-mapa bat, hainbat orri irakurri eta haietan zehar ibiltzea baino. Erabiltzaile batzuek nahiago izan dezakete webgunea sekuentzialki arakatzea, orri batetik bestera igaroz, kontzeptuak eta diseinua hobeto ulertzeko.

  • Muga kognitiboak dituzten pertsonei errazagoa irudi dakieke bilaketa-aukerak erabiltzea, ulertzen zaila den nabigazio-eskema hierarkiko bat baino.

Bideo azalpena

Gaztelaniazko bideoa, euskarazko azpitituluekin. Ikusi YouTuben (WCAG 2.4.5 Bide anitz)

Irizpide hau betetzeko teknikak

W3Ck betetze-irizpide honi lotzen dizkion teknika nahikoak, teknika gomendatuak eta ohiko akatsak, ADDAWk itzuliak. Teknika nahiko bat bakarrik nahikoa da adierazitako egoeran irizpidea betetzeko; gomendatuek gutxienekoa baino harago egiten dute; akatsek irizpidea betetzen ez duten egoerak deskribatzen dituzte.

Teknika nahikoak

Teknika gomendatuak

Ikusi WCAG teknika guztiak euskaraz

Ikusi erreferentzia Teknikak eta hutsegiteak (W3C, ingelesez)