Política de Privacidade

Quen é o responsable do tratamento dos seus datos?

O titular e responsable do tratamento do ficheiro automatizado é ADDAW, sociedade sen ánimo de lucro aínda en trámites de constitución.

Pode poñerse en contacto connosco no enderezo de correo electrónico: admin@addaw.com; ou no teléfono: 968 13 57 84.

Con que finalidade tratamos os seus datos persoais?

En ADDAW usamos os seus datos persoais unicamente para os seguintes fins:

REXISTRO:

• Atender as dúbidas e solicitudes que nos poida trasladar.
• Mantelo/a informado/a sobre novos sitios web accesibles.

CONTACTO:

• Atender as dúbidas e solicitudes que nos poida trasladar.

En calquera caso, ao navegar polo noso sitio web poderase facer un seguimento das accións que realice para axudarnos a melloralo e facelo máis amigable e seguro, así como para poder ofrecerlle un mellor servizo e unha mellor experiencia nel.

Cal é a lexitimación para o tratamento dos seus datos?

A base legal que nos permite tratar os seus datos persoais tamén depende da finalidade para a que os tratemos; deste modo, atoparemos distintas bases legais en virtude das seguintes finalidades:

1. Desenvolvemento, cumprimento e execución dos contratos de auditoría.

O tratamento dos seus datos é necesario para a execución do contrato de auditoría que nos vincula con vostede. Entendemos que o tratamento destes datos resulta positivo para todas as partes que interveñen cando se produce o pagamento dunha auditoría e, en particular, para vostede, xa que nos permite implantar as medidas axeitadas co fin de protexelo/a contra intentos de fraude realizados por terceiros.

2. Atención á Comunidade.

Consideramos que temos un interese lexítimo para atender as solicitudes ou consultas que nos formule a través dos diversos medios de contacto existentes. Entendemos que o tratamento destes datos resulta tamén beneficioso para vostede, xa que nos permite atendelo/a axeitadamente e resolver as consultas formuladas. Cando nos contacte, o tratamento é necesario para a execución de calquera tipo de resposta. O que nos lexitima para tratar os seus datos é o cumprimento de obrigas legais pola nosa parte.

3. Análise de usabilidade e de calidade.

Consideramos que temos un interese lexítimo para analizar a usabilidade da Plataforma e o grao de satisfacción do usuario, xa que entendemos que o tratamento destes datos tamén resulta beneficioso para vostede, porque a finalidade é mellorar a experiencia do usuario e ofrecer un servizo de maior calidade.

A que destinatarios se comunicarán os seus datos?

Os datos persoais non se proporcionarán a terceiros salvo obriga legal ou dentro do marco das finalidades descritas anteriormente, por exemplo, a administracións públicas ou outros organismos, no caso de ser necesario para cumprir as obrigas da organización.

Durante canto tempo conservaremos os seus datos?

Trataremos os seus datos durante o tempo que sexa necesario para atender a súa solicitude ou petición.

Independentemente de que tratemos os seus datos durante o tempo estritamente necesario para cumprir a finalidade correspondente, conservarémolos posteriormente debidamente gardados e protexidos durante o tempo en que puidesen xurdir responsabilidades derivadas do tratamento, en cumprimento da normativa vixente en cada momento. Unha vez que prescriban as posibles accións en cada caso, procederemos á supresión dos datos persoais.

Cales son os seus dereitos cando nos facilita os seus datos?

Comprometémonos a respectar a confidencialidade dos seus datos persoais e a garantirlle o exercicio dos seus dereitos.

Poderá exercelos sen ningún custo enviándonos un correo electrónico ao noso enderezo admin@addaw.com, indicándonos simplemente o motivo da súa solicitude e o dereito que quere exercer.

No caso de que o consideremos necesario para poder identificalo/a, poderemos solicitarlle copia dun documento acreditativo da súa identidade. En particular, independentemente da finalidade ou da base legal en virtude da cal tratemos os seus datos, vostede ten dereito a:

• Pedirnos acceso aos seus datos de que dispoñemos.
• Pedirnos que rectifiquemos os datos de que xa dispoñemos. Teña en conta que, ao facilitarnos activamente os seus datos persoais por calquera vía, garante que son certos e exactos e comprométese a notificarnos calquera cambio ou modificación deles.
• Pedirnos que suprimamos os seus datos na medida en que xa non sexan necesarios para a finalidade para a que precisemos tratalos segundo lle informamos con anterioridade, ou en que xa non contemos con lexitimación para facelo.
• Pedirnos que limitemos o tratamento dos seus datos, o que supón que en determinados casos poida solicitarnos que suspendamos temporalmente o tratamento dos datos ou que os conservemos máis alá do tempo necesario cando poida necesitalo. Se nos deu o seu consentimento para o tratamento dos seus datos para calquera finalidade, tamén ten dereito a retiralo en calquera momento.
• Pedirnos a entrega dos datos que previamente nos facilitou, nun formato estruturado, de uso común e lectura mecánica. No caso de que sexa tecnicamente posible, terá dereito a que se transmitan a outro responsable do tratamento, se así o solicita.
• Por outra parte, cando o tratamento dos seus datos estea baseado no noso interese lexítimo, tamén terá dereito a oporse ao tratamento dos seus datos.

Por último, informámolo/a do seu dereito a presentar unha reclamación ante a autoridade de control en materia de protección de datos pertinente, en particular, ante a Axencia Española de Protección de Datos https://www.agpd.es/portalwebAGPD/index-ides-idphp.php

Como obtivemos os seus datos?

Toda a información confidencial que se envía a través do noso sitio web está cifrada e, polo tanto, protexida fronte a terceiros. O envío desta información realízase a través do protocolo de seguridade SSL (Secure Socket Layer), que cifra a información que nos envían antes de que nos chegue para protexela de terceiras partes. En ningún caso se almacenan os datos que poidan relacionar a identificación do medio de pagamento coa identidade do seu titular.

Os datos persoais que tratamos foron proporcionados directamente por vostede a través dos diferentes formularios de que dispón a páxina web; unicamente se tratarán os datos identificativos, económicos e de contacto facilitados.

Unicamente utilizamos cookies propias de interese lexítimo que resultan imprescindibles para a navegación e o bo funcionamento do sitio web.